Di çarçoveya Pêngava Bagera Cizîrê de operasyonên pajijkirina çeteyên DAIŞ’ê yê deverên Dêrazorê bênavber berdewam dike. Di roja 28’ê Sibatê de şer û pevçûnên ku di navbera hêzên me û çeteyên DAIŞ’ê de derketibû 3 rêhevalên me li hember çeteyan bi lehengî şer kirine û gihîştine şehadetê.
Her wiha rêhevalekî me sala 2013’an li Tirbesipiyê li dijî çeteyên El Nusra şer kiribû û şehîd ketibû aşkere dikin. Ji ber derengbûna şehadeta rêhevalê me serî de malbata şehîd û gelê xwe re lêborînê dixwazin.
Her sê rêhevalên me Goran, Welîd û Zagros ku ji bajarê Şedadê ne û eslê xwe Ereb in, bi destpêkirina Pêngava Bagera Cizîrê a rizgarkirina Dêrazorê re tevlî nav refên YPG’ê bûne. Bi naskirina fikra azad re bi armanca avakirina yekîtiya di navbera gelên herêmê û li hember tarîtiya ku bi salan li ser wan hikûm kir serî hildan û berê xwe dan çeperên berxwedanê yê Dêrazorê. Di hêza ku li perwerdeya bîrdozî girtin û xwe ji her şert û mercê re amade kirin, di her kêliya jiyanê de dan nîşandan û bûn sembola yekîtiya gelan.
Rêhevalê me Zana ku ji Bakurê Kurdistanê ji bajarê Wanê ye û malbateke welatparêz de mezin bûye. Herêma Serhedê a ku çand û feraseta Kurdayetiyê hertim parastiye û di dîroka xwe de hertim bûye qada berxwedanê rêheval Zana li vê herêmê bi vî çandî mezin bûye û pêçandiye. Dema ku çeteyên Cebhet El Nusra bi alîkariya dewleta Tirk a dagirker sala 2013’an êrişê xaka Rojava kir, li ser esasê welatparêziyê berê xwe da qada berxwedanê a şoreşa mirovahiyê a Rojava. Rêheval Zana ji bo parastina nirxên şoreşê bi ked û fedakariya xwe li hember dijminên mirovahiyê şer kir û tevlî karwanên nemiran bû.
Em her 4 şehîdê xwe yên qehreman bi rêzdarî bibîr tînin û sersaxiyê ji malbatên wan û gelê xwe re dixwazin. Em soz didin ku tekoşîna wan a li hember dagirkeriyê dane ber bi serkeftinê bibin heya dawiyê têbikoşin.
Nasnameyên pakrewanan wiha ye:
Nasnav: Goran Şedadê
Nav û Paşnav: Leys El Îsa
Navê Dayikê: Fatma
Navê Bav: Ehmed
Cihê Jidayikbûnê: Şedadê
Cih û Dema Şehadetê: Dêra Zor / 28’ê Sibata 2018’an
Nasnav: Welîd Şedadê
Nav û Paşnav: Mihemed El Îsa
Navê Dayikê: Cahra
Navê Bav: Hemîd
Cihê Jidayikbûnê: Şedadê
Cih û Dema Şehadetê: Dêra Zor / 28’ê Sibata 2018’an
Nasnav: Zagros Şedadê
Nav û Paşnav: Hisên El Rîme
Navê Dayikê: Henûf
Navê Bav: Mexlef
Cihê Jidayikbûnê: Şedadê
Cih û Dema Şehadetê: Dêra Zor / 28’ê Sibata 2018’an
Nasnav: Zana Wan
Nav û Paşnav: Zafer Agcakaya
Navê Dayikê: Narinc
Navê Bav: Hudeyda
Cihê Jidayikbûnê: Wan
Cih û Dema Şehadetê: Tirbesipiyê / 19’ê Cotmeha 2013’an
Navenda Ragihandin û Çapemeniya YPG | 6’ê Adara 2018
